نا گرافیک دیزاینەران تەنها ڕوکەش دەبینن
زۆرێک لەوانەی کە سەرەتان لەبواری گرافیک دیزایندا زۆر بێبایەخ تەماشای لۆگۆ دەکەن تەنانەت وادەزانن لۆگۆی براندە جیهانیەکان ئیشی دوو دەقەیە ئەمەش کوفری دیزاینە چونکە لۆگۆ بەنرخترین بەشی گراافیک دیزاینە و وەک ڕەگەزێکی سەرەکی ناسنامە و ڕوخساری براند کاردەکات
یاخود هەندێک کاتێک کاری دیزاینەرێکی پێشکەوتوو دەبینن بە مشتری دەڵێن ئێمە بە ٥ دۆلار دروستمان دەکرد!
هەموو کەس ئازادە بە هەرنرخ و هەر شێوەیەک دیزاین دەکات بەڵام ناکرێت کارێکی لۆگۆی کوالیتی بێبایەخ بکرێت لەکاتێکدا گرافیک دیزاینەرەکە چەندین ڕۆژ پێوەی خەریکبووە و تۆش بە کۆپی و پەیست تەنها دوو دەقە پێوەی خەریک بیت !
لۆگۆیەکی نمونەیی چەندان تایبەتمەندی لەخۆ دەگرێت :
١- سادە و ساکاری
٢- لەیادمانەوە و لەبیرنەکردن
٣- هەمیشەیی و نەمری
٤- گونجاوێتی و لێزانی
٥- بەکارهێنانی ڕەنگ و فۆنت و شکڵ بەشێوازێکی ستراتیژیانە
کەسی وەها هەیە نەک ئەم بنەمایانە نازانێت بەلکو هەر نازانێت ڕەنگەکانی پانتۆن، ڕێنامەی ستایل، پوختەی داهێنەرانە، طوفانی زهنی، مود بۆرد چییە !!! دەڵێن لۆگۆ ئیشی دوو دەقەیە !!! ئێ تەواوە کۆپی و پەیست ئیشی دوو دەقەیە!!!
هەزارەها بابەت و کتێب و ڤیدیۆ لەسەر لۆگۆ هەیە کاکە بۆ ناخوێننەوە تەنکنۆلۆژیا هەموو شتێکی بە سێرچێکی گوگڵ هێناوەتە بەردەمتان!
هەموو ئەمانەش پێویستیان بە بیرۆکەی و نوێ و داهێنەرانەیە کەچۆن وابکەیت هەم لۆگۆکە نوێبێت و دوبارەنەبێت، لە لایەکی دیەش بۆ هەمیشەی لە زهنی بینەردا بمێنێتوە و پێویست بەگۆڕین نەکات.
لۆگۆیەکی سادەی گرانبەها کاتێک تۆی ناگرافیک دیزاینەر بێبایەخ لێی دەڕوانیت چەندەها ساڵ و سەدان گرافیک دیزاینەر و کۆمپانیای دیزاین و کەسانی شارەزای بواری مارکێتین و براندینگ کاریان تیاکردووە تا گەشتوەنەتە ئەو دەرئەنجامە
تۆی کڕیاریش کاتێک بێبایەخ لە لۆگۆ دەڕوانیت هەر شایستەی ئەوەیت لۆگۆی کۆپی و پەیستت بۆدیزاین بکرێت و براند و کۆمپانیاکەت بێناسنامە و بێ ڕوخساربکرێت یاخود ڕوخسارێکی قەبیح و دوبارەی هەبێت .....
کۆمێنت بنوسە