دیزاینی فری !!!
چێشتخانەیەک بەناوی هاوکاریکردن خواردنی بەرماوەی دەدایە خەڵکی !
هەتا ئێستاش یەکێک لە گەورەترین کێشەکانی بواری گرافیک دیزاین بریتییە لە بەبەلاش تەماشکردن و قەدرنەزانینی پیشەکە، لەم بەینەشدا هۆکاری سەرەکی ئەوکەسانەن کە گرافیک دیزاینەرنین و خۆیان بەگرافیک دیزاینەر دەزانن، من پێم وانییە هیچ گرافیک دیزاینەرێک هەبێت بە بەلاش کاری دیزاین بکات بۆ کەسانێک کە بەدیزاینەکە پارەپەیدابکەن، هەروەک چۆن هیچ کەس بە کردنە ڕۆنی هێلکەیەک نەبێتە چێشلێنەر بەهەمانشێوە هەموو کەسیش بە دانانی دووێنە و نوسین پێکەوە نابێتە گرافیک دیزاینەر.
من هەرگیز لەگەڵ ئەوەدانیم گرافیک دیزاینەر پارە پەرستبێت و لەهەموو حاڵەتێکدا پارە وەربگرێت بۆنمونە چەندان ڕێخراو هەن بۆ هاوکاریکردنی هەژاران هیچی تێناچێت گەر هاوکاری بکرێت و دیزاینی بۆ بکرێت هەم خێری دونیا و هەم قیامەت، ئەوەی لێرەدا هەیە مەبەستەکە دیزاینی بەلاشە بۆ خەلکانێک بەهۆی دیزاینەکەوە کاری بازرگانییبکەن، یاخود ناوبانگ پەیدابکەن
زۆرجار کەسانێک بانگەشی ئەوەدەکەن گرافیک دیزاینەرن و بە بەلاش کاری دیزاین بۆ خەلک دەکەن، گەر کەسەکە بۆ وەرگرتنی ئەزموون بێت ئەوە شتێکی ترە ، بەڵام وەک ئەوەی کاری گرافیک دیزاین بەلاشخانەیە ئەوە زۆر کێشەیە.
ئەوانەی کە بە بەلاش کاردەکەن هەرگیز گرافیک دیزاینەرنین چونکە نەک گرافیک دیزاینەر هیچ کەسێک خۆی لێزیاد نییە بەدیار کۆمپیتەرەوە بەبەلاش چاوی خۆی کوێربکات!!!
ئەوانەی بە بەلاشە کاری گرافیک دیزاین دەکەن هەم گرافیک دیزاینەر نین و لەلایەکی دیکە خۆیان ئیشی تر و سەرچاوەی داهاتی دیکەیان هەیە و دواتر دیزاینی بەلاشە دەکەنە منەت بەسەر هاوکاریکردنی خەلکەوە
یاخود وەک یەکەم دێڕ خواردنی بەرماوە دادەنە خەلک چونکە:
هاوشێوەی گرافیک دیزاینەر ئامادەنین خۆیان بەدیار دیزاینەوە هیلاک بکەن بەلکو تەنها بەکۆپی و پەیست کاری دیزاین دەکەن یاخود دیزاینێک کە ١٠ دەقەیەک پێوەی ماندوو دەبن و دەیدەنە دەست مشتەری بەناوی پیاوەتیەوە من وەک خۆم تائیستا چەندین لۆگۆی کۆپی و پەیستم بۆشوێنە جیاوازەکان گۆڕیوە کەبەناوی پیاوەتیەوە بۆیان کراوە !!!
( دوو ساڵێک لەمەو پێش برادەرێک نامەی نارد و داوای دیزاینی بەلاشی کرد منیش وتم لەبەرامبەردا لە ئەکاونتەکەی خۆت ڕیکلام بۆ بکە بەڵام ئەو وتی من کەسێکی بەناوبانگم و چەند هەزار فۆڵۆم هەیە بە ٣٠ دۆلار کەمتر ڕیکلام ناکەم لێرەوە هەموو کات بەزەیم بەوانەدا دێتەوە بەفری کار دەکەن !!!)
کۆتا قسە تکایە گەر گرافیک دیزاینەرنیت وەک گرافیک دیزاینەر خۆت مەناسێنە چونکە گرافیک دیزاین وەک هەر پیشەیەکی دیکە بەلاشخانە نییە و گرافیک دیزاینەران قەدری پیشەکەیان دەگرن.
کۆمێنت بنوسە