لۆگۆی نوێی ماڵپەڕی یودیمی

 

سایتی بەناوبانگی یودیمی هەستاوە بە دوبارە دیزاینکردنەوەی ناسنامەی براند ، کە تیایدا تیرێک زیادکراوە وەک هێمایەکی جیهانی گەشەکردن و ئاماژەکردن بەوەی فێرکردن هانتدەدات بۆ گەشتن بە شوێنێکی بەرزتر و بەهای مرۆڤبوونت زیاد دەکات.

وە ڕەنگی نوێ ئاماژەیە بە حەماسەتی فێربوون و گەشەکردن، ئەمجارە ڕەنگەکان گەشێتی و ڕوناکیەکی زیاتریان پێوە دیارە و سێبەری جیاوازی ڕەنگی ئەرخەوانی وەک ئاماژەکردنە بە گەشبینی و جێبەجێکردنی بەڵێنی گەشەکردن بەهۆی کۆرسەکانی ماڵپەڕەکەوە.

هەروەها بەکارهێنانی وێنەی فۆتۆگرافی بەشێوەیەکی وەها کە دەرئەنجامێکی پۆزەتیف لە فێربوون و لەخۆگرتنی مەودایەکی فراوان لە ( نەتەوە، تەمەن ، ڕەگەز) ی جیاواز پیشانبدات، وە ستایلێکی نوێ لە دەرکەوتنی فۆتۆگرافیدا بەکارهێنراوە

وە لە وێنە ڕونکردنەوەییەکاندا بەگشتی کەسایەتی و ئاماژەی بێڕوخسار بەکارهاتووە و گرنگی دراوە بە بەکارهێنانیان لە گەیاندن و ئاسانکردنی بیرۆکە ئاڵۆزەکان.

لەم لینکەوە ناسنامە نوێکەی یودیمی ببینن:

https://www.udemy.com/ourbrand/